هندسة الأزهر..

بيتهيئلى من ساعة ما دخلت الجامعه متكلمتش عنها ...وجه الوقت الى اقدر افضفض فيه عشان انا اتخنقت
..
اولا .. كل واحد ياخدله ساتر ... ايوه كده وياريت تلبس خوذه بالمره
...
يخربيت الهندسه ..دا ايه دا عذاب ولا عذاب ولا ايه بالضبط
1-تطلع من بيتك 8 الصبح تروح بيتك 7 ولا 8 بالليل  ..
2-دكتور الميكانيكا بيعتبر انك اخدت الميكانيكا كلها قبل كده وعشان ميضيعش وقتك فهو مبيشرحش الا الفتات وانت وشطارتك
3- دكتور الفيزيا بيقرا الشرح من الكتاب الى كله نظرى وعند مثال يقلك ابقوا بصوا انتوا فيه
4- الدكتور بتاع السكشن بتاع مادة الفيزيا يشرحلك مسائل قبل الامتحان باسبوع وياخدلك فى المسئله ساعه وبالتالى يشرحلك مسائل فصل ونص بدل ال 6 فصول
5-تقعد اربع خمس ساعات ترسم فى لوحه وبعدين يجى الدكتور يقلك النظافه وخطوات الرسم ويوم ما تفلح تاخد 7 ن 10
6-عندك ماده زى الهندسه الوصفيه تفضل تذاكر وتذاكر وفى الاخر تضرب راسك فى الحيط
7-واحد زميلك يقلك وسع عشان اعدى يقوم الدكتور يطردكوا انتوا الاتنين ويطرد الى قاعد جمبك
8- ايه عايز ايه تانى مش كفايه كده عشان الواحد ينتحر ويخلص
...
بس خلاص اطلع من ورا الساتر انا خلصت تحديف طوب
..
تعرفوا مع كل ده انا بموت فى الهندسه ولو خيرونى ميت مره كنت هختار الهندسه .... الحب اعمى زى ما بيقولوا
^.^